Festivali, i përkrahur nga Ambasada Amerikane në Prishtinë, KUSA dhe Komuna e Obiliqit, kishte për qëllim ngritjen e vetëdijësimit të qytetarëve për ndotjen e ajrit në këtë komunë dhe fshatrat përreth.

Gjatë dy ditëve të kësaj ngjarje u bashkuan njëzet piktorë të cilët përmes ngjyrave portretizuan problemet mjedisore me të cilat preokupohen qytetarët kosovarë. Gjithashtu gjatë festivalit u ekspozuan fotografi të bëra nga qytetarët me temën e ndotjes ambientale. Pasionantë të fotografisë nga mbarë vendi dërguan qindra fotografi të problemeve mjedisore dhe zgjidhjeve potenciale të tyre.

Çmime u ndanë për pikturat dhe fotografitë më kreative.

Fetsivali, ndër të tjera kishte për qëllim edhe prmomvimin e artistëve të rinjë dhe të punës vullnetare për iniciative kundër ndotjes së ambientit.

Green Art Fest zgjodhi si lokacion komunën e Obiliqit e cila sipas statistikave të Bankës Botërore cilësohet si një ndër qytetet më të ndotura në Europë ku ndotja e ajrit në krahasuar me standardet e BE-së është 74 herë më e lartë. /Lajmi.net/