Fiskalizimi, i shtrenjtë për naftëtarët!
Anëtarët e Shoqatës së ndërmarrjeve që merren me qarkullim të naftës, derivate të saj, gazrave dhe lubrifikanteve (SHQNGL), kanë kërkuar nga Ministria e Financave dhe Administrata Tatimore e Kosovës që të ulët çmimi i arkave fiskale.
Lajme
Në mbledhjen e SHQNGL-së të mërkurën, ku u diskutua për rifiskalizimin e pikave të karburanteve dhe shqiptimin e gjobave, nga anëtarët u tha se janë për fiskalizim të pikave të naftës, por me çmim më të ulët.
Sipas tyre çmimi për vendosjen e arkave fiskale është i pa përballueshëm për ta.
Përfaqësues të ndërmarrjeve thanë se me këto çmimi po tentohet që të mbyllen ndërmarrjet e vogla dhe po favorizohet ato të mëdhatë.
Kryetari i Shoqatës Fadil Berjani, tha se nga 16.200 sa ka qenë çmimi i një arke fiskale, për 2 dispançer kanë arritur që ta zbresin në 10 mijë euro, por përkundër kësaj, sipas tij ky çmim mbetet ende i lartë.
Në fund të kësaj mbledhje u miratua edhe një deklaratë me pesë pika:
- Apel Administratë së Kosovës që deri në licencimin e operatoreve të rijnë të mos gjobiten bizneset.
- Përgjegjësi nga Ministria e Financave, për operatorin ekonomik të arkave fiskale për ndryshim të çmimit drastik.
- Kërkesë për aplikimin e rregullatorit të çmimit të naftës për Kosovën.
- Largimi i trupave inspektues nga pikat kufitare sepse janë të jashtëligjshme dhe të pa nevojshme, dhe në vend të tyre të kërkohet analizë e naftës, e jo inspektim i dokumenteve.
- Përkrahja për punën e deritanishme të kryetarit.