Sulmuesi 32-vjeçar italian është një golashënues tepër klinik dhe vendimtar për Lazion, por që po lufton për të pasur një ndikim të rëndësishëm për “të kaltrit”. Ai ka shënuar 21 gola në 25 paraqitje në Serie A këtë sezon, por ai nuk ka shënuar nën drejtimin e Roberto Mancinit në shtatë paraqitjet e tij të fundit në Itali.

Immobile ka qenë gjithmonë i paqëndrueshëm për Italinë, duke shënuar vetëm 15 gola në 55 ndeshje, dhe është e qartë se kritikat ndaj tij janë rritur.

Është Football Italia ajo që i hedh edhe më shumë benzinë zjarrit që ish-sulmuesi i Dortmundit të largohet nga kombëtarja.

Sipas tyre, duke marrë parasysh paraqitjet e tij të jashtëzakonshme në nivel klubesh, tani mund të jetë koha që Immobile të tërhiqet nga detyra ndërkombëtare në mënyrë që ta përqëndrojë vëmendjen e tij te Lazio, transmeton lajmi.net.

Tifozët janë jashtëzakonisht të ndarë në lidhje me pozicionin e 32-vjeçarit te Azzurri, me shumicën e tifozëve që bëjnë thirrje për largimin e tij.

Është ende e paqartë nëse Immobile do të varë këpucët e tij për Azzurri-t apo jo, por është e qartë se diçka duhet të ndryshojë nëse Italia dëshiron ndonjë shpresë për të mbrojtur titullin e saj si kampione evropiane në Euro 2024. /Lajmi.net/