Kjo është konfirmuar nga Posta e Kosovës përmes një njoftimi për media.

“Duke filluar nga tetori ndihmat sociale (asistenca sociale) do të shpërndahen përmes zyrave postare të Postës së Kosovës. Më herët kjo është bërë vetëm përmes bankave”, thuhet në këtë njoftim, transmeton lajmi.net

Me këtë rast, të hënën (2 tetor), në ora 11:00, në zyrën postare që ndodhet në objektin kryesor të Postës (ish-PTK), në lagjen “Dardania” në Prishtinë, do të bëhet shpërndarja e ndihmës së parë sociale në Postë.

Në këtë ceremoni do të marrin pjesë ministra të Qeverisë së Kosovës dhe zyrtarë tjerë të lartë. /Lajmi.net/