Ana e errët e dashurive në Hollywood
Në një moment ishin të lumtur dhe të dashuruar, ndërsa në çastin tjetër ishin në të gjitha mediet për shkak të ndarjes.
ShowBiz
Pra jo të gjitha ndarjet në Hollivud janë të qeta dhe pa fjalë, pasi shumë prej tyre e kanë edhe anën e errët.
Muaj më parë, ndarjen e tyre e kishin bërë të ditur Ryan Sweeting dhe Kaley Cuoco. Një kohë të gjatë ata ishin konsideruar si çifti më i ëmbël i Hollivudit, ndërsa më pas të gjithë i kanë lënë pa fjalë. Edhe pse fillimisht ishte thënë se ndarja e tyre ishe me marrëveshje, më pas kishin dalë informatat të cilat e thonë të kundërtën.
Cuoco thuhet se e ka braktisur burrin pasi ai është alkoolist dhe i varur ndaj tabletave të qetësimit dhe shpesh ka qenë i dhunshëm ndaj saj. Ishte kjo një ndarje e shëmtuar, por nuk janë të vetmit.
Katie Holmes dhe Tom Cruise një kohë të gjatë dukeshin si çifti më i lumtur në botë, por më pas e tëra ka rënë në ujë. Aktorja e bukur kishte vendosur të ndahet nga Tomi, për të mbrojtur vajzën e saj Suri, nga sekti ‘Scientology’. Tani vijnë lajmet se udhëheqësit e këtij sekti, ia kanë ndaluar Tomit që ta takoj vajzën e tij, e kjo për shkak se Katie haptazi ka folur kundër këtij sekti dhe metodave të ata përdorin.
Kristen Stewart dhe Robert Pattinson ishin njoftuar gjatë xhirimit të filmit “Twilight”. Mirëpo, Kristen e kishte tradhtuar aktorin me regjisorin Rupert Sanders. Të kota ishin përpjekjet e çiftit për ta shpëtuar lidhjen, pasi Robert nuk kishte mundur ta harroj tradhtinë.
Jennifer Aniston dhe Brad Pitt ishin një çift i preferuar në Hollivud dhe të gjithë ishin në shok kur Brad e kishte tradhtuar aktoren dhe atë me Angelina Jolie, derisa po xhironin filmin “Mr and Mrs Smith”.
Ndarjen mes Chris Brown dhe Rihanna-s, e mbajnë mend të gjithë. Gjashtë vite më parë, Chris e kishte rrahur rëndë këngëtaren, duke përfunduar në gjyq dhe shumë shtrejt e kishte paguar këtë krim. Mirëpo, Rihanna ia kishte falur dhe tani janë në raporte të mira miqësore./zëri