Sipas tij, pas grevës së punëtorëve dhe pakënaqësive të tyre, gjendja është qetësuar dhe puna vazhdon pa probleme.

Syla ka thënë se në Statutin e Trepçës janë përfshirë 13 njësi nga 3 njësi që kanë qenë në Ligjin për Trepçën të miratuar në vitin 2016.

“Ligji e parasheh si një Trepçë të vetme. Ligji  ka paraparë minierat me flotacione Stantërg, Artanë dhe Kishnicë si dhe minierat me flotacion  në Kopaonik që realisht janë minierat në veri.  Ligji e parasheh si një Trepçë të vetme, por në realitet nuk ka ndodhur për shkak të mungesë së regjistrimit të ndërmarrjes dhe miratimit të Statuti deri më tani. Por njëjtë sikur Ligji edhe Statuti e ka paraparë që Trepça të funksionojë si e vetme”, ka thënë Syla në një intervistë për telegrafi.com.

Ai ka treguar se me Ligj janë paraparë tre njësi të shndërrohen në ndërmarrje shoqërore.

“Ligji për Trepçën është miratuar në vitin 2016, i cili rregullon ndërmarrjen publike. Statuti është derivat i Ligjit, e kemi bërë konfrom ligjeve për ndërmarrjet publike. Ligji ka paraparë vetëm tre njësi që shndërrohen në ndërmarrje shoqërore, ndërsa pjesa tjetër është duke u shikuar që të përfshihet. Ligji parasheh tre njësi, ndërsa në statut janë 13 njësi”, ka shpjeguar kryesuesi i Bordit të Trepçës, Ardian Syla.