Vullkani i madh Campi Flegrei përbëhet nga 24 kratera dhe shkencëtarët kanë gjetur se po grumbullon magmë si pjesë e një tranzicioni në fazën e “para-shpërthimit”, transmeton lajmi.net.

Ekspertët kanë thënë se një shpërthim nuk pritet në të ardhmen e afërt, por vullkani ka treguar shenja të trazirave të rëndësishme gjatë 60 viteve të fundit.

Kur vullkani përfundimisht shpërthen, ka të ngjarë të jetë i krahasueshëm me madhësinë e shpërthimit të malit Vesuvius që shkatërroi qytetet e Pompeit dhe Herculaneum.

Campi Flegrei gjendet rreth nëntë milje (14.5 km) në perëndim të Napolit.

Ai nuk ka shpërthyer që nga viti 1538, por është në gjendje të krijojë një shpërthim “super-kolosal” pasi shkencëtarët kanë gjetur dëshmi për një ngjarje të tillë nga 40.000 vjet më parë.

Kjo është kategoria e dytë më e lartë e shpërthimeve, është prapa vetëm ‘mega-shpërthimi’ i Yellowstone dhe do të shkaktonte shkatërrim në të gjithë Evropën moderne.

Që nga viti 1950, ka pasur tre ‘periudha të mëdha të trazirave’, duke ngritur shqetësimin se vullkani po rizgjohet. /Lajmi.net/