Super Cikalleshi, hyn si rezervist dhe shënon 2 gola
Sokol Cikalleshi u fut në pjesën e dytë, kur rezultati ishte 2-1 për vendasit dhe riktheu baraspeshën në minutën e 59.
Sport
Sokol Cikalleshi ka shënuar dy gola në ndeshjen e radhës së kampionatit turk.
Sulmuesi i kombëtares shqiptare ndihmoi këtë të fundit të marrë një barazim mjaft të vlefshëm në transfertën ndaj Goztepes, me rezultatin 3-3. Cikalleshi u fut në pjesën e dytë, kur rezultati ishte 2-1 për vendasit dhe riktheu baraspeshën në minutën e 59.
Vendasit kaluan sërish në avantazh (’84), por ishte sërish Cikalleshi që në minutën e 6 shtesë barazoi rezultatin me 11-metërsh, transmeton “Top Channel”.
Ky ishte goli i katërt i Cikalleshit në kampionatin turk.