Sulmohen kishat para vizitës së Papa Françeskut në Kil – Lajmi.net
Sulmohen kishat para vizitës së Papa Françeskut në Kil
Autori: Lajmi.net BotaLajme 10:49, 13 January 2018
Disa kisha në Kili kanë rënë pre e sulmeve vandale, vetëm pak ditë para një vizite të Papa Françeskut, parashikuar javën e ardhshme.

Tre kisha në kryeqytetin Santiago, u sulmuan me bomba zjarri, ndërsa në disa fletushka të shpërndara, paralajmërohej se një tjetër ishte për Papën.

Presidenti Michelle Bachelet i përshkroi incidentet si “shumë të çuditshme”, duke shtuar se sulmet ende nuk mund të lidhen me një grup të caktuar.

“Në një demokraci, njerëzit mund të shprehin veten për sa kohë që e bëjnë këtë në një mënyrë paqësore,” i tha ajo një radioje të premten.

Askush nuk është arrestuar për sulmet, të cilat nuk shkaktuan lëndime, ndërsa Vatikani ende nuk e ka komentuar ngjarjen.

Papa Françesku ka bërë dhembshurinë dhe mbështetjen për emigrantët e nevojtarët, një temë kryesore të papatit të tij.

Por vërejtjet e paraqitura në fletushkat e hedhura në një nga kishat e sulmuara, thuhet se u ankuan që paratë e shpenzuara për vizitën e tij, mund të përdoreshin më mirë për të varfrit.

Papa do të mbajë meshën të martën në një park të Santiagos dhe qindra mijëra njerëz pritet të dalin për ta pritur.

Papa gjithashtu do të takohet me liderët e zonës indigjene Mapuche, gjatë vizitës së tij në Kili.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play Urban Basketball
  • Play Supercar Showdown
  • Play Stealth Sniper