Në sulm ishte i përfshirë edhe një agjent i shërbimit sekret BIA, ndërsa dje Ministria e Jashtme e Maqedonisë ka thirrur ambasadoren serbe në Shkup duke e kritikuar për përfshirjen e Goran Zhivaljeviç, këshilltar në ambasadën serbe në Beograd, në incidentet e 27 prillit.

Sputnik thekson se “Ministria e Punëve të Jashtme e Maqedonisë thirri ambasadoren e Serbisë, Dushanka Divjak Tomiç për të shpjeguar praninë e këshilltarit të ambasadës dhe agjentit të BIA-s Goran Zivaljeviç në parlament, kur ka ndodhur një ndërhyrje e dhunshme ndaj deputetëve, pikërisht pas zgjedhjes së Talat Xhaferit kryetar parlamenti.

Takimi me Tomiç është kryer duke zbatuar Konventën e Vjenës”, shkruan më tej gazeta.

Zhivaljeviç ka konfirmuar se në atë mbrëmje ishte në Kuvend, sipas postit zyrtar, dhe se detyra e tij ishte për të monitoruar nëse incidenti të përfshirë pjesëtarë të pakicës serbe.

Agjenti serb është fotografuar duke hyrë në parlament së bashku me protestuesit, ku më pas iu drejtuan në sallën plenare.

Zhivaljeviç është figurë e njohur e spiunazhit serb në disa ngjarje në vende të tjera në rajon.

Kjo është hera e dytë zyrtarisht kur implikohet shërbimi serb kundër një shteti tjetër. Hera e parë ishte në Mal të Zi kur u tentua të vritej kryeministri Milo Gjukanoviç.

Të dyja këto akte janë pikasur nga një shërbim shumë i rëndësishëm perëndimor, siç është ai i Gjermanisë.

Dyshohet se regjia e këtyre lojrave bëhet në të ashtuquajturën Qendër Humanitare ruso-serbe që ndodhet në Nish, fare pranë Kosovës.