Në qershor të vitit 2018, teleskopi ATLAS në Havai zbuloi një anomali në konstelacionin e Hercules, 200 milionë vite dritë larg. Objekti AT2018cow, i quajtur “Cow” nga studiuesit, shkëlqeu jashtëzakonisht shumë për një kohë relativisht të shkurtër dhe më pas u zhduk përsëri, transmeton lajmi.net.

Hulumtuesit bënë pastaj me disa teleskopë foto në rajone të ndryshme të spektrit, për të mësuar më shumë në lidhje me objektin.

Pas analizimit të imazheve, hulumtuesit besojnë tani se teleskopët kanë regjistruar momentin e saktë kur një yll rrëzua në një objekt kompakt, dmth një vrimë të zezë apo një yll neutron.

Shkëlqimi i ndritshëm në këtë skenar rezulton nga mbetjet e yllit që po afrohen ose që orbitojnë horizontin e ngjarjes të vrimës së re të zezë ose yllit të neutroneve.

Në fillim të vëzhgimit, hulumtuesit menduan se Cow ishte një supernova. Pastaj ata zbuluan se Cow ishte dhjetë deri në njëqind herë më e ndritshme se një supernova tipike. /Lajmi.net/