Përmes një njoftimi për media, u tha se me iniciativën e kryetarit Sela u propozua organizimi i një jave kulturore në Strugë.

“Kjo javë kulturore synohet të realizohet nga Komuna e Strugës, në bashkëpunim me Ministrinë e Kulturës, Rinisë dhe Sporteve të Republikës së Kosovës dhe Ministrinë e Kulturës së Republikës së Shqipërisë. Në kuadër të Javës Kulturore planifikohet të realizohen aktivitete të ndryshme kulturore dhe artistike”, thuhet në njoftim.

Ministri Shala e mirëpriti këtë iniciativë dhe gjithashtu u dakordua në parim që ky aktivitet të realizohet gjatë këtij viti, me përfshirjen edhe të grupeve kulturore dhe artistike nga Kosova.