Humbja e thellë me rezultat 5:1 nga Holanda ka bërë që tifozët spanjollë të jenë skeptikë se ekipi i tyre i zemrës mund ta kalojë fazën e grupeve në Botëror.

Uebfaqja Marca.com e ka realizuar një sondazh, përmes së cilit e ka kërkuar mendimin e tifozëve rreth gjasave të “Stuhisë së Kuqe” për të depërtuar në të tetën e finales.

Mirëpo, rezultati ishte ‘shokues’.

Nga 25.000 votues, 60% prej tyre (15.000) nuk besojnë se ekipi i Vicente del Bosques do të kualifikohet në fazën eliminuese. Vetëm 39% (rreth 10.000) e mendojnë të kundërtën.