Raketa, municion të tankeve, granata dhe plumba të kalibrit të ndryshëm, kanë krijuar një top gjigant të zjarrtë në re që mund të shihej nga dhjetëra kilometra lartësi, transmeton Telegrafi.

Çuditërisht askush nuk është lënduar nga ky shpërthim që ndodhi brenda natës, por mbi 20 mijë persona janë evakuuar nga zona për në qytetin Balakleya, rreth 60 milje nga vija e frontit ku janë zhvilluar luftime të ashpra mes ushtrisë ukrainase dhe separatistëve prorusë.

Prokurori ushtarak i Ukrainës, Anatoly Matios ka deklaruar para gazetarëve se sipas të dhënave paraprake, si rezultat i sabotimit, zjarri dhe shpërthimet e vogla kanë shkaktuar shpërthimin e municioneve në disa vende ku janë ruajtur raketa të ndryshme dhe armë artilerie.