Mësohet se ajo quhet Alma Martini dhe është nga Lezha, 40 vjeçe.

Një qytetar ka filmuar konfliktin ndërmjet tyre në Tiranë, konflikt që u kthye në përplasje fizike. Pas kësaj videoje, ka reaguar menjëherë Policia e Shtetit, duke i pezulluar dy punonjësit e saj.

Ngjarja ka ndodhur pasi gruaja ka marrë një gjobë për kundërvajtje me mjetin e saj “Renault”, të cilën gjobë ajo e ka refuzuar. Duke hedhur fletën e gjobës, nga pakujdesia, Martini e ka hedhur në tokë edhe patentën. Policët ia kanë marrë patentën dhe kërkesës së qytetares për t’ia kthyer, i janë përgjigjur me fjalë fyese. Kjo e ka acaruar më shumë situatën. Ajo i ka pështyrë punonjësit e Policisë, ndërsa njëri prej tyre e ka qëlluar me shuplakë.

News 24 raporton se pas incidentit Alma është shoqëruar nga Policia.

Burime nga Policia Rrugore thanë se dy efektivët nuk ia kishin marrë patentën qytetares, por asaj i kishte rënë në tokë. Sipas tyre, Martini i kishte sharë, fyer dhe goditur efektivët edhe para momenteve të filmuara në video.