Sistemi i detektimit të alkoolit, vetura nuk ndizet nëse shoferi ka alkool në gjak
Senzori i cili detekton alkoolin në gjak është teknologji e re, e cila mund të bëjë që makinat të fiken nëse senzori zbulon se shoferët janë nën ndikim të alkoolit.
Auto & Tek
Një video që tregon sistemin e ri teknologjik të quajtur ‘Driver Alcohol Detection System for Safety’ është publikuar të enjten në YouTube.
Senzorët e frymëmarrjes dhe të prekjes janë të vendosur në automjet, për të zbuluar nëse shoferi ka alkool në gjak, transmeton Lajmi.net.
Sistemi i bazuar në frymëmarrje, siç shpjegon videoja, mund të masë molekulat e alkoolit në frymëmarrjen e shoferit.
Për opsionin tjetër, videoja thotë se ‘ky sistem i bazuar në prekje përdorë spektroskopinë me rreze infra të kuqe për të zbuluar nivelin e alkoolit në gjak, transmeton Lajmi.net.
Për të dy senzorët, në qoftë se shoferi ka në gjak sasi të alkoolit më të lartë se 0,8 – që është limiti ligjor – atëherë makina nuk do të lëvizë, sipas videos.