“Të nderuar deputetë, nëse ligji i ri i RTK-së nuk miratohet, nuk do të rrimë duarkryq por do të protestojmë vazhdimisht për të drejtën e Transmetuesit Publik, të pavarur deri në zgjidhjen përfundimtare të problemit të financimit dhe pronës së RTK-së. Meqenëse është në duart tuaja deputetë të nderuar, urdhëroni dhe përfundojeni këtë proces të nisur para 5 vitesh nga ju.

RTK është pronë e shtetit të Kosovës dhe është detyrë e juaja ta miratoni ligjin e jo ta mbani peng Transmetuesin Publik që 5 vite me subvencione vetëm sa për të mbijetuar. Ne si sindikatë e kemi detyrë ligjore ta mbrojmë institucionin ku punojmë në secilin rast kur rrezikohen të drejtat e punëtorëve, qoftë nga organet drejtuese të RTK por edhe nga Qeveria e Kuvendi. Dhe për këtë kemi të drejtë ligjore.

Çdo shtyerje të mëtutjeshme e shohim si përpjekje të qëllimshme për ta prolonguar zgjidhjen afatgjate të financimit të RTK-së”, thuhet në reagimin drejtuar mediave.