Femrat shqiptare shquhen për bukurinë e tyre. Në Zvicër, njëra prej tyre është zgjedhur ‘Miss Zvicra Romande 2014’, një çmim prestigjioz që u ndahet më të bukurave të këtij vendi. Bëhet fjalë për Sindi Arifin, një shqiptare nga Mali i zi, e cila jeton në Zvicër.

18 vjeçarja e mori këtë çmim në gala mbrëmjen e mbajtur në Palexpo të Gjenevës. Kurorëzimi i saj erdhi përpara një numri të madh të publikut, me një shumicë nga qyteti Valais. Përcjellësja e parë ishte Celine Morel, kurse ajo e dytë, Mwavita Darbellay.