Ky incident ka ndodhur më 16 shtator, kur Obama ka vizituar Qendrën për Kontroll dhe Parandalim të Sëmundjeve në Atlanta.

Incidenti është bërë publik disa orë pasi shefja e Shërbimit të Sigurisë është marrë në pyetje nga Kongresi, në lidhje me një shkelje tjetër të sigurisë që kishte ndodhur po ashtu muajin e kaluar në Shtëpinë e Bardhë.

Sipas protokollit, vetëm anëtarët e Shërbimit Sekret lejohen të mbajnë armë në prani të presidentit.

Arma është gjetur pasi personi është marrë në pyetje në lidhje me videon që ka incizuar në ashensor.

Ai thuhet se është shkarkuar menjëherë nga punëdhënësi i tij.

Washington Post ka raportuar se ky person ka pasur tre dënime për sulm, raporton RFE.

Ndërkohë në seancën dëgjimore, drejtorja e Shërbimit të Sigurisë, Julia Pierson, ka thënë se agjencia e saj ka dështuar të mbrojë Shtëpinë e Bardhë.

Komentet vijnë disa ditë pasi një veteran i luftës në Irak, i armatosur me thikë, ka hyrë në ndërtesë dhe ka vrapuar nëpër gjysmën e katit përdhesë, para se është kapur nga rojet.

Pierson ka thënë se pranon fajin për performancën “e papranueshme” të agjencisë së saj më 19 shtator.

Zëdhënësi i presidentit Obama ka thënë se ai ka besim se Pierson do të bëjë reforma në siguri.