Gjatë procesit të shërimit, trupi prodhon kolagjen – një substancë që e rigjeneron lëkurën. Nëse trupi nuk prodhon sasi të mjaftueshme të kolagjenit që është e nevojshme për rigjenerim, ju do të keni shenja të akneve në lëkurë.

Mënyra më e mirë për t’i trajtuar shenjat e akneve është me bimë natyrore ndërsa ato janë të reja. Duhet ta dini se shenjat e akneve marrin shumë kohë për t’u larguar, kështu që është e nevojshme të bëni një trajtim ditor dhe të keni durim kur është fjala për largimin e tyre në mënyrë natyrale, shkruan Lajmi.net.

Shërimi me Aloe Vera
Kjo është përgjigja themelore ndaj shenjave të akneve që kanë mbetur në lëkurë. Geli i Aloe Vera-së ndihmon në reduktimin e shenjave të akneve duke promovuar rigjenerim të lëkurës. Ajo rritë prodhimin e kolagjenit duke ndihmuar në shërimin e akneve dhe shenjave të tyre. Disa studime tregojnë se Aloe Vera ka disa ushqyes thelbësor që ndihmojnë në zhvillimin e qelizave të lëkurës dhe rigjenerimin e tyre.

Vaji i bajameve
Ky lloj vaji përmban nivele të larta të acideve yndyrore të cilat absorbohen lehtë nga qelizat e lëkurës. Këto acide shërbejnë si një shërues natyral për lëkurë, dhe mund të ndihmojnë në mbylljen e lëkurës duke formuar një barrierë mbrojtëse. Lagështia që gjendet në këtë vaj përdoret nga indet për të riparuar qelizat e dëmtuara, duke i dhënë lëkurës një pamje më të bukur. Për më tepër, ky lloj vaji ndihmon në shpërbërjen e sebumit që prodhohet në lëkurë, duke krijuar një lëkurë dhe pore më të pastër, dhe duke ndihmuar në largimin e shenjave që kanë mbetur nga aknet, shkruan Lajmi.net.

Lëngu i limonit
Lëngu i limonit përmban acide hidroksike. Ato janë të njohura për vetitë e tyre shëruese. Ato largojnë qelizat e vdekura të lëkurës dhe mbështesin rritjen e qelizave të reja të lëkurës, duke hequr kështu edhe shenjat në lëkurë që kanë mbetur nga puçrrat. Përveç kësaj, lëkura është më e ndritshme dhe më e lehtësuar duke reduktuar kështu dukjen e pikave të errëta dhe të pista në lëkurë. Limoni është gjithashtu një burim i shkëlqyer i vitaminës C, një komponent i rëndësishëm për formimin e kolagjenit i cili ndihmon në riparimin e indeve dhe largimin e puçrrave në fytyrë. (Lajmi.net)

Për më shumë shikojeni këtë video: