Përveç përfitimeve të shumta shëndetësore (konsumi i mjaltit mban nën kontroll nivelin e sheqerit, parandalon oksidimin e venave dhe ul rrezikun e sëmundjeve kardiovaskulare, detoksifikon rrugët e frymëmarrjes etj), mjalti njihet gjithashtu si një alet i bukurisë, transmeton Living.al.

Ne sjellim për ju dy receta me mjaltë që hidratojnë buzët dhe eleminojnë rrathët e zinj poshtë syve, dy receta të vlefshme që ju nevojiten në çdo kohë.

1.Maskë për eleminimin e rrathëve të zinj poshtë syve: Rrathët e zinj poshtë syve janë një problem estetik për shumë femra. Ata mund të shfaqen si pasojë e lodhjes, pagjumësisë, regjimit ushqimor të varfër dhe çrregullimeve hormonale. Nëse jeni lodhur prej tyre, duhet të provoni trajtimin e mëposhtëm me mjaltë. Në një enë bashkoni 1 lugë çaji mjaltë, 1 lugë çaji lëng limoni dhe 1 lugë çaji me kos natyral. Pasi të përzieni të tre përbërësit bashkë, aplikoni maskën e sapoformuar tek rrathët e zinj dhe lërini të veprojë për 20 minuta. Ky trajtim duhet përdorur 1-2 herë në javë.

2.Maskë për trajtimin e buzëve të çara: Një ndër gabimet më të mëdha që bëni gjatë ritualit të përkujdesjes së përditshëm është mungesa e hidratimit të buzëve, për të mos thënë që për shumë prej jush buzëkuqi është produkti i vetëm që aplikoni mbi buzë. Living ju propozon një maskë shumë të thjeshtë e cila duhet aplikuar vazhdimisht gjatë dimrit. Bashkoni 1 lugë çaji sheqer, një lugë mjaltë dhe një lugë vaj ulliri. Më pas me ndihmën e një furçe dhëmbësh fërkoni buzët për dy minuta. Ky loj scrubi natyral eleminon plotësisht lëkurën e plasaritur dhe zbut buzët tuaja.