Shuma e fituar nga Haye, në më pak se dy runde ndaj Gjergjajt
David Haye i ka fituar rreth 1 milion funte (1.3 milion euro) për vetëm dy runde, në meçin ndaj Arnold Gjergjajt, të cilin e nokautoi mbrëmë në Londër, raporton Zëri.
Sport
35 vjeçari është tashmë njëri prej sportistëve më të paguar britanik, pasi ka fituar deri tash rreth 25 milionë funte, ndërsa ua shtoi atyre edhe 1 milion, me një meç absolutisht lehtë të fituar ndaj boksierit gjakovar.
Haye e nokautoi Gjergjajn në rundin e dytë, duke e sulmuar që nga sekondat e para të duelit.
Duhet cekur se Haye i kishte fituar 10 milionë funte, për meçin që e kishte zhvilluar ndaj Wladimir Klitschkos në vitin 2011.