Shqipëria, nga 100 mijë euro ndihma për vërshimet në Serbi e Bosnjë
Qeveria e Shqipërisë ka miratuar të mërkurën dhënien e ndihmës financiare prej 200 mijë eurosh për qeveritë e Bosnjë e Hercegovinës dhe Serbisë për lehtësimin e pasojave të dëmeve të shkaktuara nga përmbytjet në maj të këtij viti.
Lajme
Vendimi parashikon që secilës nga këto qeveri t’i akordohen nga 100 mijë euro.
Në vendim përcaktohet se Ministrisë së Punëve të Jashtme, në programin buxhetor t’i shtohet kundërvlera në lekë e fondit prej 200 000 (dyqind mijë) eurosh, shpenzime korrente për t’u përdorur si ndihmë financiare për lehtësimin e pasojave të dëmeve të shkaktuara nga përmbytjet e muajit maj 2014, në Bosnjë e Hercegovinë dhe Serbi.
Ky fond të përballohet nga fondi i kontingjencës i vitit 2014.