Shqipëria do të ketë punë të vështirë në garë për kualifikim në Euro 2016.

Skuadra kuqezi është tërhequr në Grupin I, së bashku me Portugalinë, Serbinë, Armeninë dhe Danimarkën.

Skuadra e selektorit Gianni de Biasi ishte mjaft e pafat në short pasi u tërhoq në një grup jashtëzakonisht të vështirë. Si ‘mysafire’ në grup do të luajë edhe Franca por pa u llogaritur pikët në përballje me Trekolorët që e kanë të sigurt pjesëmarrjen si nikoqir.

Në secilën xhiro të kualifikimeve në Grupin I, një skuadër do të jetë e lirë dhe ajo do të takohet me Francën.

Në grupet tjera, Zvicra e Xherdan Shaqirit me shokë do të luajë në atë E kundër Anglisë, Sllovenisë, Estonisë, Lituanisë dhe San Marinos.

Për dallim nga herët e kaluara që zhvilloheshin me 16 kombëtare ky i 2016 do të jetë i një formati tjetër, 24 kombëtare do ta kërkojnë kreun e Evropës.

Sky skuadrat e para nga secili grup do të kualifikohen direkt, të shoqëruara nga skuadra e tretë me bilancin më të mirë.

Tetë të mbeturat në pozitën e tretë do të ndeshen mes vete në play-off.