Gianni de Biasi ka thënë se një fitore me rezultat të thellë në ndeshjen ndaj Rumanisë do t’i mjaftojë Shqipërisë për t’u kualifikuar tutje në “Euro 2016”.

Kuqezinjtë janë pa pikë pas dy duelesh dhe me golaverazh prej -3. Por, De Biasi është optimist se ata do ta përmbysin gjendjen në duelin e fundit me Rumaninë, përcjell “Lajmi.net”.

“Ne mund ta mposhtim Rumaninë dhe të kualifikohemi. Nëse mund të shënojmë golat që na kanë munguar deri më tani, me një rezultat bindës do të jemi në fazën tjetër”, deklaroi ai për Uefa.com”.

“Ne kemi treguar se jemi skuadër e vërtetë dhe luajtëm futboll të mirë”, u shpreh De Biasi.

Katër skuadra me bilancin më të mirë nga pozitat e treta kualifikohen tutje.

Parashikoni ndeshjet e EURO 2016 dhe fitoni dhjetëra shpërblime, duke përfshirë një iPhone 6S dhe Samsung Galaxy Note 4.