Ka vdekur Shpresa Kastrati nga Peja, e cila ishte plagosur në kokë nga një plumb qorr, natën e vitit të ri.

Pas disa javëve në gjendje kritike, Shpresa ka ndërruar jetë, në mëngjesin e ditës së sotme në orën 8.35.

Lajmin për vdekjen e saj, për lajmi.net e ka konfirmuar zëdhënësi i QKUK’së Shpend Fazliu.

“Përkundër tentativave të mjekëve për të ja shpëtuar jetën, pacientja fatkeqësisht ka ndërruar jetë, në mëngjesin e ditës së sotme në orën 8.35 minuta”-ka thënë Fazliu.

Shpresa Kastrati qe goditur në kokë nga një plumb qorr, teksa po qëndronte në ballkonin e shtëpisë së saj, në natën e Vitit të Ri. Plumbi kishte prekur pjesën e kokës, përkatësisht kishte depërtuar deri tek truri.

Ajo menjëherë ishte dërguar në Qendrën Emergjente në Prishtinë, por gjendja kritike nga plagët e marra i morën jetën.