Real Madrid nuk do të marrë masa kundër Angel Di Marias pas reagimit të tij në fitoren ndaj Celta Vigos të hënën në kuadër të La Ligës.

Reprezentuesi argjentinas e vuri veten në telashe pasi kapi organin gjenital derisa ishte duke dalë nga fusha si i zëvendësuar, edhe pse u arsyetua duke thënë se veprimi i tij nuk ishte reagim ndaj tifozëve në tribuna.

Klubi e hetoi rastin dhe në fund vendosi të mos e ndëshkojë futbollistin.

“Nuk ka dëshmi të mjaftueshme për të konkluduar se Di Maria bëri gjest ofendues ndaj tifozëve”, thuhej në komunikatën e publikuar nga gjiganti madrilen.