Shpërthimi vret legjendën e Palestinës
Një prej futbollistëve më të mirë në histori të Palestinës, Ahed Zaqout, ka vdekur pas një shpërthimi në apartamentin e tij në Gaza.
Sport
Ahed Zaqout, ish futbollisti i Përfaqësueses së Palestinës ka humbur jetën pas një shpërthimi në apartamentin e tij në Gaza, kanë njoftuar mediat lokale.
“Palestina ka humbur një prej futbollistëve më të mirë, e ndoshta edhe mesfushorin më të mirë të gjitha kohërave”, deklaroi gazetari sportiv, Jaled Zaher.
Vdekja e tij u konstatua nga një mjek i cili ekzaminoi trupin e Zaqout, 49-vjeç që nuk i mbijetoi plagëve të marra nga shpërthimi i fuqishëm.
Lufta e pamëshirshme në Gaza në mes një numri të madh të viktimave i mori jetën edhe atij që tani do të konsiderohet si legjendë e shuar e futbollit të Palestinës.