Shpend Ahmeti s’rri të dëgjojë platformën e Kurtit, shkon në Tiranë me Pacollin – Lajmi.net
Shpend Ahmeti s’rri të dëgjojë platformën e Kurtit, shkon në Tiranë me Pacollin
Autori: Lajmi.net LajmePolitikë 16:05, 13 January 2018
Shpend Ahmeti akoma nuk ka vendosur nëse i bie më mirë nëse deklarohet publikisht kundër Albin Kurtit, ai ka bojkotuar prezantimin e platformës për kryetar të partisë nga Kurti.

Shpend Ahmeti ka njoftuar përmes profilit të tij në Facebook se sot gjendet në Tiranë bashkë me nënkryetarin e Prishtinës, Selim Pacollin. Kështu duket të ketë gjetur arsyetim për mungesën  e tij në prezantimin e Albin Kurtit për kryetar të VV’së.

“Bashkë me nënkryetarin e Komunës, drejtorët dhe kabinetin, vizituam Kryetarin e Bashkisë e Tiranës Erion Veliaj. Në këtë takim të përzemërt u njoftuam me projektet që po realizohen aktualisht në Tiranë, si dhe u zotuam për vazhdimin e bashkëpunimit në mes të dy kryeqyteteve”, ka shkruar Ahmeti.

Ai kështu ka injoruar plotësisht prezantimin e Albin Kurtit për kryetar të partisë. Njëjtë kanë vepruar i gjith ëkrahu i Dardan Molliqajt, përfshirë këtu edhe ish-kryetarin Visar Ymeri, të cilët publikisht e kishin kundërshtuar kandidimin e Albin Kurtit.

Zgjedhjet për kryetar të Vetëvendosjes pritet të mbahen në shkurt, ndërsa Albin Kurti është kandidati i vetëm për të marrë sërish kreun e Vetëvendosjes së përcarë.

Fjalët kyçe: Albin Kurti, Shpend Ahmeti

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play World Soccer Champion
  • Play Bow Master Japan
  • Play Bike Rivals
  • Play Rock Wheels