Shpend Ahmeti: Masakra e Reçakut është edhe më e padrejtë 20 vjet më pas
Shpend Ahmeti, ka thënë se masakra e Reçakut nuk duhet harruar por duhet të vihet para drejtësisë.
Lajme
Kryetari i Prishtinës, Shpend Ahmeti, ka thënë se masakra e Reçakut nuk duhet harruar dhe se ajo duhet të vihet para drejtësisë.
Ahmeti shkroi se kjo ngjarje është edhe më e padrejtë 20 vite më pas, transmeton lajmi.net.
“Padrejtë, shumë padrejtë. 20 vite pas masakrës së Recakut, sivjet duket edhe më e padrejtë. Tragjedia që tronditi krejt botën ishte dëshmi se bota nuk mund të rrinte duarkryq edhe me një krim ndaj njerëzimit. Pa marrë parasysh propagandën e luftën speciale të Serbisë për t’i minimizuar krimet, nuk duhet asnjëherë të harrojmë. Reçaku dhe masakrat e tjera duhet zbardhur e përgjegjësitë duhet të vihen para drejtësisë”, shkroi Ahmeti në Facebook. /Lajmi.net/