Shpallen të pafajshëm katër punëtorët e KEDS-it, të dyshuar për marrje ryshfeti
Katër punëtorë të kompanisë KEDS, G.G., E.T., J.Sh., dhe Q.B., që ishin akuzuar për marrje ryshfeti nga Prokuroria Themelore ne Prishtine, Departamenti per Krime te Renda, janë shpallur të pafajshëm.
Lajme
Lajmin për lirimin e katër të akuzuarve e ka konfirmuar për Klan Kosovën edhe avokati i njërit nga të akuzuarve, Nikë Shala.
“Sot Gjykata Themelore ne Prishtine, Departamenti për Krime te Renda, pas seancave te zhvilluara, ka shpallur aktgjykim dhe të gjithë të akuzuarit i ka shpallur të pafajshëm”, deklaroi Shala.
