Por, teoritë alternative kanë lulëzuar përgjatë tërë kësaj kohe. Serialet, librat dhe dokumentarët televizivë sugjerojnë se Hitleri arriti ta mashtrojë botën dhe të arratisej, megjithëse mundësia e diktatorit që kërkoi të pushtonte të gjithë Evropën duke zgjedhur një fermë të vogël në Amerikën e Jugut dukej jashtëzakonisht e largët nga faktet historike, transmeton lajmi.net.

Trupat e Hitlerit, gruas së tij Eva Braun dhe dy prej qenve të tyre të djegur në kopshtin e Kancelarisë Reich në përputhje me dëshirat e Hitlerit të mbikqyrur nga sekretari i tij privat Martin Bormann, u zbuluan nga një njësi speciale e Ushtrisë së Kuqe më 2 maj.

Tani është pranuar se kufoma e djegur e gjetur në vitin 1945 në kopshtin e Kancelarisë ishte padyshim ajo e Hitlerit, për shkak të një studimi të botuar kohët e fundit nga shkencëtarët francezë, të cilët u lejuan të studiojnë dhëmbët e kufomës.

Autori kryesor i hulumtimit, Profesor Philippe Charlier, i tha një dokumentari francez se “ishte e mundur të krahasoheshin nofullat e mbajtura nga rusët ndaj shënimeve dentare të Hitlerit, duke lejuar që Führer të identifikohej nga dhëmbët e tij “, raportoi Independent.

Në moshën 56-vjeçare, Hitleri kishte vetëm pesë nga dhëmbët e tij origjinal dhe analiza e tyre nuk tregonte gjurmë të mishit. Kjo konfirmoi se Hitleri ishte vegjetarian. /Lajmi.net/