Mes tyre, 5 janë shqiptarë(tre burra dhe dy gra) të moshës nga 24 vjeç deri në 51 vjeç. Kurse pjesa tjetër janë grekë, 6 burra dhe një grua të moshës nga 42 vjeç në 60 vjeç. Banda kriminale trafikonte kokainë dhe marijuanë nga Shqipëria në Athinë.

Si funksiononte organizata e drogës

Banda drejtohej nga një grek 48-vjeçar. Bashkë me të, ishin edhe dy drejtues të tjerë, një shqiptar 32 vjeç dhe një person tjetër i panjohur deri tani, i cili kishte rolin e furnizuesit. Po këtë rol, kishin edhe tre persona të tjerë, dy greke 56 vjeç dhe 60 vjeç, si dhe një shqiptar 33 vjeç. Transportuesit e drogës ishin dy shqiptarë, 24-vjeçar dhe 27-vjeçar. Anëtarët e tjerë të organizatës merreshin me shitjen e drogës. Të gjithë anëtarët e bandës kriminale flisnin me kode me njëri-tjetrin.

Provat materiale

Gjatë operacionit antidrogë, policia greke sekuestroi më shumë se 4.5 kg kanabis të papërpunuar dhe 100 gram kokainë, vlera e të cilave shkon në 45 mijë Euro nëse shitet me doza. Gjatë kontrolleve nëpër shtëpi dhe makinat e anëtarëve të bandës, u sekuestruan edhe 538 gram hashash të papërpunuar, 5.2 gr kokainë, fara hashashi, peshore, celularë, karta SIM, laptopë, dylbi, 3500 Euro dhe dy makina.