Leonardo Bonucci ka bërë të ditur se ka pësuar frakturë në hundë pas goditjes me bërryl në fytyrë nga Ola Toivonen në duelin mes Italisë dhe Suedisë në play-off për kualifikim në “Kampionatin botëror 2018”.

“E kam hundën e thyer nga goditja e Toivonen, ai duhej të përjashtohej me karton të kuq”, deklaroi Bonucci pas ndeshjes, përcjell “lajmi.net”.

“Megjithatë, duhet të shikojmë përpara, ndeshja përfundoi 1:0 për ata me një gol me fat”, u shpreh ai.

“Tani duhet t’i mbushim bateritë dhe ta dërgojmë Italinë në Botëror, por duhet të jemi më efikas para portës kundërshtare”, theksoi kapiteni i Milanit. /Lajmi.net/