Fëmijët janë duke përjetuar barrën e përshkallëzuar të krizës së refugjatëve në mbarë botën, kjo për shkaqe të ndryshme, si luftërat apo fatkeqësitë natyrore që i kanë detyruar të zhvendosen. Saktësisht statistikat flasin se 825,000 fëmijë janë trafikuar çdo vit dhe 5 milionë vajza nën moshën 15 vjeçare janë detyruar të martohen. Ndërsa 85 milionë fëmijë janë të angazhuar në punë të rrezikshme, raporton Top Channel.

“Ne presim që këto shifra të rriten dhe kjo është pjesa më e rrezikshme e këtij raporti” – u shpreh Gordon Brown, duke argumentuar se sot vendet më të trazuara të botës i kanë dyert e hapura për trafikantët. Dhe, në fakt, ky është një skenar i njohur, vajzat rrëmbehen në rrugët e Nepalit e ndërsa adoleshentet detyrohen të martohen me dhunë në Siri, Liban, Turqi dhe Jordani.

Ekspertët shprehen se kjo është një nga krizat humanitare që kërkon më shumë vëmendje, pasi lidhet drejtpërdrejtë me jetën e të pafajshmëve. (lajmi.net)