Sheshelj: Kontribuova në vetëvrasjen e Babiqit (Video)
Lideri i radikalëve serb, Vojislav Sheshelj, vazhdon me deklaratat e tij të tmerrshme, pas lirimit të përkohshëm nga Haga, ku po gjykohej për krime të luftës në ish Jugosllavi.
Lajme
Gjatë një interviste televizive Sheshelj, ka thënë se ka kontribuar në vetëvrasjen e ish presidentit të Republikës Serbe të Krajinës (pjesë e banuar me serb në Kroaci), Milan Babiq derisa edhe ky i fundit përballej me akuzat për krime lufte në Tribunalin e Hagës.
Ai e ka pranuar se është munduar që t’ia bëj jetën sa më të vështirë Babiqit, transmeton Indeksonline.
“Milan Babiqin pas marrjes konstante në pyetje arritën ta frikësojnë. I kanë thënë nëse pranon të dëshmojë kundër Millosheviqit, nuk do të ngrisin padi kundër tij. Megjithatë, menjëherë pasi e përfundojë dëshminë kundër Millosheviqit, Haga ka ngritur padi kundër tij. Më pas i ofruan mundësinë që ai të pranojë fajësinë dhe pas kësaj do të dënohej me 11 vjet burg. E pranoj fajin dhe mori 13 vjet. Babiq më pas kërkoi që t’i dërgohet familja në një vend të sigurt, por më pas doli se familja e tij ishte mbajtur në burg shtëpiak”, ka thënë Shesheli.
I dënuari nga Tribunali i Hagës, Milan Babiq, ish presidenti dhe kryeministri i të ashtuquajturës Republika Serbe e Krajinës gjatë dëshmisë së tij kishte thënë se ky territori kroat i okupuar nga serbët merrte armë dhe financa nga Serbia. Ai e kishte konfirmuar që Slobodan Millosheviq kishte de fakto kontroll mbi këtë territor.
Babiq ka bërë vetëvrasje në mars të vitit 2006 gjatë mbajtje në burgun e Sheveningenit.