Gjatë fluturimit, ekuipazhi i avionit mori 6 paralajmërime të ndryshme nga ushtria kineze, e cila iu bënte të ditur se ndodheshin brenda territorit kinez dhe duhej të largoheshin sa më shpejt.

“Largohuni urgjentisht dhe sigurohuni të shmangni ndonjë keqkuptim”, thoshte njëri prej zërave paralajmërues.

Avioni i Marinës amerikane fluturoi mbi 4 ishujt kryesorë të arkipelagut Spratly, aty ku Kina ka ngritur fortifikimet e saj: Subi, Fiery Cross, Johnson dhe Mischief.

Mbi ishullin Subi, sensorët e “Poseidon”-it pikasën 86 anije, përfshi edhe anije të Rojes Bregdetare kineze të ankoruara në një lagunë gjigante, ndërsa në ishullin Fiery Cross një radhë të gjatë hangarësh që qëndronin përgjatë një piste të gjatë.

“Ishte surprizuese të shihje aeroporte në mes të oqeanit”, tha ushtaraku Lauren Callen, udhëheqës i ekuipazhit të fluturimeve ajrore në bordin e avionit të Marinës amerikane.

Sa herë që avioni sfidohej nga ushtria kineze, përgjigjja e ekuipazhit të Marinës amerikane ishte e njëjtë.

“Jemi një avion sovran dhe imun i Marinës së Shteteve të Bashkuara, që po zhvilloj një aktivitet të ligjshëm shumë larg hapësirës ajrore kombëtare apo brigjeve të ndonjë shteti”, ishte përgjigjja. “Duke ushtruar këtë të drejtë të garantuar nga ligji ndërkombëtar, jam duke operuar në respektim të plotë të të drejtave dhe detyrimeve të të gjitha shteteve”.