Shaqiri “provokon” Vidicin (Foto)
Portali serb “Kurir”, i ka përshkruar këpucët sportive të Xherdan Shaqirit me flamurin e Kosovës si dhe një fotografi të tij të vjetër si provokim për dy futbollistët serbë të ekipit, Nemanja Vidic dhe Zdravko Kuzmanovic.
Sport
Mediat serbe kanë gjetur një “provokim” të ri. Kësaj radhe, nga përforcimi i ri i Interit, Xherdan Shaqiri.
Në stërvitjen e tij të parë me Nerazzurrët, mesfushori kosovar u paraqit me një palë këpucë sportive në të cilat gjendej edhe flamuri i Kosovës. Ndërsa, më parë ishte fotografuar me flamurin e Kosovës të ngjyrosur në dorë.
Kurse, portali serb “Kurir”, e ka konsideruar gjestin si provokim ndaj dy futbollistëve serbë të Interit, Nemanja Vidic dhe Zdravko Kuzmanovic.
Përveç këtij rasti, “Kurir” përmend atë kur Shaqiri me ish sulmuesin e Atletico Madridit, Mario Mandzukic, kishin bërë një përshëndetje ushtarake, në nderim të gjeneralëve kroatë të liruar nga Gjykata e Hagës.