Ylli i Bayern Munichut, Xherdan Shaqiri është i gatshëm për festë. Gjiganti bavarez duhet të fitojë sonte kundër Hertha Berlinit dhe do të sigurojë titullin e 24-të të kampionit në Bundesligë.

Dhe, mesfushori kosovar ka njoftuar se është i gatshëm për fitore dhe festë, në duelin e sotëm në kryeqytetin e Gjermanisë.

“Ready for the night??:) a jeni gati me festu kampionatin sonte??:) seid ihr bereit für heute abend??:) #packmas XS”, shkroi Shaqiri në profilin e tij zyrtar Facebook.

Ende nuk është e sigurt nëse Shaqiri do të luajë si titullar në formacionin bazë të trajnerit Pep Guardiola.

Mirëpo, nëse jo nga minuta e parë, ai mund të inkuadrohet në lojë nga bankina dhe të ndihmojë Bayernin drejt fitores dhe festës së madhe.