Siç shkruan portali fussball.ch, “futbollisti aktualisht më i njohur zviceran, Xherdan Shaqiri deri sa është në FC Bayern po kënaqet me lakminë që për të po e tregojnë klubet e ndryshme”.

Megjithë faktin se kontrata me Bayernin është duke rrjedhur, mund të ndodhë që ai ta lëshojë shpejt këtë klub. Interesim për të patën treguar Liverpool dhe Chelsea. Por, lajmi më i fundit thotë se Shaqiri është bërë temë bisedimesh edhe te klubi që  Bayerni në Bundesligë e ka rival kryesor, Borussia Dortmund.

Fama e rritur e Shaqirit gjatë Botërorit në Brazil thuhet ta ketë ngritur vlerën e tij në sytë e trajnerit të Borussia, Jürgen Klopp. Për këtë arsye, spekulohet se klubi i madh nga Dortmundi mund t`i paguajë 15 milionë euro për xhuxhin magjik. Dhe kjo mund të ishte një zgjidhje e mirë për të dy palët: Borussia do të fitonte një lojtar ofensiv, Shaqiri më në fund do të bëhej titullar për ekipin e ri dhe Bayerni do të fitonte një shumë të majme nga shitja e Xherdanit, transmeton albinfo.ch shkrimin e fussball.ch.