Shaqiri konfirmon largimin nga Stoke City, këto janë mundësitë për klub të ri
Xherdan Shaqiri ka pranuar se do të largohet nga Stoke City.
Sport
Xherdan Shaqiri ka pranuar se do të largohet nga Stoke City pas rënies së ekipit nga Premierliga.
Shaqiri ka thënë: “Nuk është më fshehtësi, të gjithë e dinë se do të largohem”.
“Ende gjithçka është e hapur. I besoj vëllait tim dhe këshilltarëve të mi për këtë çështje. Ata do të përkujdesen për gjithçka. Jam i qetë sepse do të më informojnë me kohë”, shtoi ai.
I pyetur rreth thashethemeve se Tottenham dhe Roma e kërkojnë, kosovari ka thënë: “Ta themi kështu: nuk përjashtoj asgjë. Por, do të doja të qëndroja në Angli. Premierligë më përshtatet. Pse? Sepse është liga më e mirë me lojtarët më të mirë. E thjeshtë është!”