Shala ka thënë në emisionin “Pressing”, se dialogu – që, siç ka thënë ai, Bashkimi Evropian pret të nisë në fund të qershorit – me gjasë do të kryhet deri në fillimin e vitit të ardhshëm.

Këshilltari i Thaçit ka parashikuar që dialogu do të prodhojë një marrëveshje mes Kosovës dhe Serbisë deri në pranverën e 2018’s.

Shala po ashtu ka komentuar deklaratën e nënkryetarit të Lidhjes Demokratike të Kosovës, Lutfi Haziri, se Kosova duhet të shkojë në zgjedhje, pas përfundimit të dialogut.

Shala ka vlerësuar se është gabim të shkohet në zgjedhje pa reformë zgjedhore.