Sfarqa pranon humbjen në Ferizaj, thotë se vazhdon lufta për fuqizim politik

Kandidati i LDK-së për Ferizajn, njëherit edhe kryetar aktual, Muharrem Sfarqa ka pranuar humbjen e kësaj komune.

Lajme

19/11/2017 23:19

Përmes një postimi në Facebook, ai ka falënderuar përkrahësit e tij ndonëse votat e tyre nuk mjaftuan që ai të dilte fitues, transmeton lajmi.net.

Ky është postimi i plotë:

Ferizajas të dashur.

Votues besnik të LDK-së dua të ju shpreh falënderimet e mia të sinqerta për votat që mi keni dhënë sot, ndonëse ato janë të pamjaftueshme për të dalë fitues unë bashkë me ju.

Konsideroj se me këtë rezultat duhet të pajtohemi ngase mbretëria e votës ka vendosur kështu. Ferizajn do të vazhdojmë ta duam edhe nga pozicione tjera dhe do të punojmë fuqishëm për zhvillimin e tij.

Kemi humbur ndoshta vetëm një betejë e lufta vazhdon për fuqizim e reformim politik.

Numrat nuk e shprehin frymën. Numrat janë vetëm aspekt sasior dhe nuk janë esencial për të përcaktuar vullnetin tonë.

Ne do ta ruajmë frymën e punës, të progresit e të ndikimeve pozitive ndërsa nuk do të dorëzohemi në asnjë mënyrë.