Serge Gnabry rikthen Bayernin tek fitorja
Bayern Munich është kthyer tek fitorja në xhiron e 13-të të Bundesligës.
Sport
Lojtarët e Niko Kovac e kanë mposhtur Werder Bremen në udhëtim, me rezultatin 1:2.
Serinë e golave në këtë takim e hapi Serge Gnabry, në minutën e 20’ të takimit, shkruan lajmi.net.
Barazimi erdhi në minutën e 33’ kur Yuya Osako barazoi për 1:1, duke vendosur kështu rezultatin e pjesës së parë.
Në pjesën e dytë, ishte përsëri Serge Gnabry i cili u shfaq në skenë për gjigantin bavarez dhe shënoi për 1:2.
Ky gol, në fund kishte vlerën e tre pikëve. Bayern tashmë grumbullon 24 pikë dhe pozicionohet në vendin e tretë, me nëntë pikë më pak se liderët e Dortmund. /Lajmi.net/