Por, kapitulli 35 ka asi karakteri dhe në kuadër të negociatave është definuar i hapur gjatë gjithë negociatave ndërmjet Serbisë e BE-së dhe përmes këtij kapitulli do të ndërthuren raportet tona me institucionet e “përkohshme’ të vetëqeverisjes në krahinë”, siç u pëlqen zyrtarëve të Serbisë ta quajnë shtetin e Kosovës, i ka thënë Gjuriq gazetës “Jedinstvo” të Prishtinës.

Serbia dëshiron të shmangë që në këtë kapitull të mund të shfrytëzohet qasja e ashtuquajtur e shënjestrës në lëvizje, pikës shënjuese në lëvizje.

“Do të thotë që diagrami i kritereve për hapjen ose më vonë mbylljen e kapitullit vazhdimisht të lëvizë. Prandaj ne po zhvillojmë bisedime të pandërprera me përfaqësuesit e Komisionit Europian në përpjekje që bashkërisht të përkufizojmë mënyrën se si do të zhvillojmë negociatat për këtë kapitull, në mënyrë që Serbia të mos varet nga rrethanat politike në mes të shqiptarëve të Kosovës, përkatësisht nga gjendja në institucionet e përkohshme në Prishtinë”, ka thënë Gjuriq.

Nëse Prishtina, siç është shprehur ai, në një moment nuk është e gatshme që për diçka të bisedojë, të arrijë ujdi ose nëse do të shtrojë kushte joreale, kjo nuk duhet të jetë në dëm të integrimit evropian të Serbisë.

Ai kësaj gazete i ka thënë së “Parku i paqes” në pjesën veriore të Mitrovicës do të mbetet dhe se për këtë marrëveshja është arritur në Bruksel, transmeton Koha.net.