Këto janë të dhëna të Drejtorisë për borxhin publik, sipas të cilës borxhi i Serbisë është 20.89 miliardë euro (rreth 63 për qind e GDP-së).

Megjithë këto shifra, ekonomistë serbë nuk shohin rrezik nga falimentimi, transmeton koha.net.

Mirëpo, përllogaritja e Komitetit fiskal paraqitet ndryshe. Sipas kësaj përllogaritje, borxhi publik në fund të muajit qershor të këtij viti ka arritur shifrën e 21.2 miliardë eurove, përkatësisht 66 për qind të GDP-së.

Kufijtë ligjorë vendës dhe ata evropianë (pjesëmarrja e borxhit publik 60, përkatësisht e GDP-së) që moti janë tejkaluar, por për ekonomistët tempi i hyrjes borxh është ende i durueshëm dhe nuk bëhet fjalë për falimentin të Serbisë.

Serbia nuk është kandidat për faliment tin, tha për agjencisë Tanjug ekonomisti Ivan Nikoliq, duke u çuditur madje se si i është imponuar opinionit publik një pyetje e tillë.

Borxhi publik, sqaron ai, rritet shkaku i deficitit të lartë, i cili sipas të gjitha vlerësimeve sivjet do të jetë 8.3 për qind e GDP dhe do të jetë më i larti në Evropë.

Edhe kolegu i tij, Goran Nikoliq mendon se falimentimi tash për tash është larg nga Serbia, për shkak të, si thotë ai, ministri i ri i Financave përmes masave të kursimit dhe ribvalancit të buxhetit për vitin 2015 ka paraparë uljen e afatgjatë deficitit për rreth 2 për qind.