Mesfushori 25 vjeçar nuk do të mendonte dy herë për t’i thënë po ofertës së kampionëve të Evropës.

Rigoni po kalon sezonin e parë në Serie A te skuadra e Atalantës, ku është i huazuar nga rusët e Zenit.

Në katër ndeshje, ai ka dhuruar performanca të shkëlqyera duke shënuar tri gola, ndërsa loja e tij është vlerësuar lartë nga ekspertët dhe mediet në Itali.

Lojtari që po cilësohet edhe sensacioni i këtij sezoni, ka rrëfyer për herë të parë për ëndrrat e tij.

“Kur isha fëmijë, Real Madrid ishte një nga klubet më të mëdha në botë, që kishte fituar gjithçka, dhe pastaj ky ekip u shndërrua si qëllim që doja ta arrija”, ka thënë Rigoni.

“Në qoftë se do ta kisha mundësinë të luaja atje, nuk do të mendoja dy herë”./Lajmi.net/