Semedo me deklaratë të papritur për përleshjen me Neymarin
“U dëshpërova për momentin, por gjithashtu arrita të mbahem. E kuptova, kjo pasi ai po kalonte në një moment të vështirë pasi dëshironte të largohej”
Sport
Futbollisti i Barcelonës, Semedo, ka zbuluar prapaskenën e përleshjes me Neymarin.
Ai tha që Neymar nuk ishte i lumtur dhe dëshironte të largohej, përcjellë “Lajmi.net”.
“Ishte një situatë normale e stërvitjes, por kemi preokupime tjera. Nuk më ka prekur sepse kam pasur përkrahjen e gjithë ekipit dhe shokëve të mi”, deklaroi Semedo.
“Sapo erdha dhe një nga lojtarët me më ndikim në ekip u fut në konflikt me mua, kjo pas një stërvitje normale”.
“U dëshpërova për momentin, por gjithashtu arrita të mbahem. E kuptova, kjo pasi ai po kalonte në një moment të vështirë pasi dëshironte të largohej”, shtoi ai. /Lajmi.net/