Sejdiu tregon se a do ta përkrahin mocionin për rrëzimin e Qeverisë
Deklarimet se “Grupi i Pavarur i Deputetëve” mund të mos e përkrah ndonjë mocion eventual për rrëzimin e qeverisë Haradinaj, përshkak se ky grup ende nuk është i përgatitur për të hyrë në garë zgjedhore, i ka demantuar Dardan Sejdiu.
Lajme
Shefi i deputetëve të këtij grupi, ka thënë për Insajderi, se “GDP” do e përkrah çdo nismë serioze për rrëzimin e kësaj qeverie. Por, ka shtuar se ende nuk ka pasur diçka zyrtare rreth kësaj çështje, dhe kurdo që të ketë kërkesë apo propozim konkret do e analizojnë dhe do dalin me qëndrim.
Opozita e tanishme në Kuvendin e Kosovës i posedon 60 deputetë, njëjtë sa i kanë edhe partitë në pozitë. Kurse, për rrëzimin e qeverisë, nevojiten 61 vota të përfaqësuesve në Kuvendin e Kosovës.
“Kërcënim” për rrëzimin e kësaj qeverie, e kanë dhënë edhe zyrtarë të Beogradit. Ivica Daiq, Ministër i Punëve të Jashtme serbe, ditë më parë, kishte thënë se nëse Kosova nuk e formon asosacionin e Komunave serbe, atëherë Lista Serbe, do e shqyrtojë seriozisht rrëzimin e qeverisë Haradinaj, pjesë e së cilës është edhe kjo parti.