Seanca e re e Kuvendit javën e ardhshme, Demarkacioni nuk është në rend dite
Kuvendi i Kosovës do të mbajë seancën e radhës të enjten e javës së ardhshme.
Lajme
Por, ratfikimi i Demarkacionit me Malin e Zi nuk do të jetë në rend dite.
Kjo pasi, Marrëveshja e Demarkacionit, së pari do të shqyrtohet nga Komisioni për Punë të Jashtme për t’u proceduar më pas në Kuvend.
Kështu tha kryeparlamentari Kadri Veseli, pas mbledhjes së Kryesisë së Kuvendit. Seanca e re do të fillojë të enjten tjetër nga ora 10:00
Pikat e rendit të ditës:
Shqyrtimi i parë i Projektligjit për Ndërmarrjet Sociale,
Shqyrtimi i Raportit të Institucionit të Avokatit të Popullit për vitin 2016,
Shqyrtimi i Raportit vjetor të Fondit të Kursimeve Pensionale të Kosovës për vitin 2016,
Shqyrtimi i kërkesës së Fondit të Kursimeve Pensionale të Kosovës për miratimin e taksës vjetore për vitin 2018,
Formimi i Komisionit Ad-hoc për përzgjedhjen e kandidatëve për një (1) anëtar të Bordit të Radiotelevizionit të Kosovës nga komuniteti serb,
Formimi i Komisionit Ad-hoc për përzgjedhjen e kandidatëve për një (1) anëtar të Bordit për Ankesa./Lajmi.net/